暑假已经过咗三份一，复常後嘅首个暑假，好多一家大细去旅行，加上嚟香港玩嘅旅客，令机场人流大增，机场重启後亦有新设施，其中有旧年 11 月尾机场连接一号客运大楼及 T1 衞星客运廊的天际走廊开通，响度可睇飞机又可睇靓景，唔少旅客都会分享相片、影片，或边上网、睇片边等上机，难怪成为上机前嘅新地标，今次就特登入到去禁区呢条天际走廊测试一下 CMHK 5G 流动网络表现喇。

唔讲唔知，原来天际走廊（Sky Bridge）系全球最长嘅机场禁区行人天桥，横跨机场滑行道，净空高度为 28 米，下面可以比最大型如 A380 嘅客机通过，即系话可以望住架飞机响你脚下行过，感觉又真系几特别㗎！而且天际走廊系旅客响机场可以去到嘅最高点，旅客可於观景台尽览停机坪景色，攰攰哋又可以坐低食啲嘢等朋友，想最後冲刺又有商店继续扫货。

嚟到呢度当然要跟亲友分享一下，点样睇住架飞机响脚下经过，post 相或片就少不免，甚至可用视像通话直播比亲友睇，而要流畅做到视像通话、分享影片相片、睇 YouTube 等，都要有一个极速又稳定嘅 5G 流动网络，所以跟住就搵嚟 CMHK 嘅 5G SIM 卡，加上 5G Android 机王 Galaxy S23 Ultra，同埋《Speedtest.net》app，响天际走廊多个必到位置实地测试其 5G 流动网络嘅表现，即试！

CMHK 系香港拥有最多 5G 频谱嘅营运商，包括拥有最多被誉为「5G 黄金频段」嘅 3.5GHz 频谱数量，更加系目前香港唯一投得 3.3GHz（3380 – 3400MHz）及 3.5GHz（3400 – 3460MHz）连续频宽频谱嘅 5G 网络营运商，能够灵活分配 3.3GHz 及 3.5GHz 频谱以提升网络容量，提供极速 5G 网络，今次测试嘅表现应该都会有惊喜喇。

机场天际走廊 5G 流动网络测试

好多本地或外地旅客，上机前都会去天际走廊到此一游，所以今次测试由连接 Sky Deck 附近范围开始，沿路行至天际走廊尽头嘅 Sky Deck 作结。

1）离港层（L6）餐厅区

响机场入闸过完海关後，向前行一阵就会见到天际走廊嘅入口，不过入去之前可以去楼下一层嘅餐厅医吓肚先，下面有茶餐听、汉堡饱店等等各式其适，响呢度测速可见下载及上载分别有 709Mbps 及 120Mbps，就算响度等朋友睇 4K 串流影片都无问题呀！

2）离港层（L7）连接 Sky Deck 电梯对出

食饱咗可以行去天际走廊打卡喇，响连接天际走廊嘅扶手电梯附近测速，比头先结果更好，下载见 837Mbps 及上载见 127Mbps，打卡一定流畅到爆。

3）Intervals 天际酒吧及餐厅

手电梯去到 L9，会见到天际酒吧及餐厅，呢度可以望到一边停机坪，坐响度饮杯嘢都几 chill，而呢度嘅速度测试结果，下载有 867Mbps、上载有 109Mbps，继续有极速表现。

4）天际走廊入口

转个弯去到天际走廊入口，又可以望到另一边嘅停机坪，呢度嘅测速继续有好表现，录得 858Mbps 下载同 106Mbps 上载。

5）天际走廊中段

沿路行到天际走廊中间位，呢度可以睇到飞机响正脚下经过，当然系个打卡热点，响呢度维持好表现，下载及上载速度分别系 791Mbps 及 86.5Mbps，打卡分享相片或影片都超快。

6）Sky Deck

最後去到 Sky Deck 入面，呢度可以多角度睇到停机坪唔同位置嘅景观，估唔到系响呢个位置竟然测试到有 896Mbps 下载及 125Mbps 上载嘅极速，接近 900Mbps 嘅下载速度系今次测试入面最高嘅一次，上载速度亦排名第二高。

小结

CMHK 5G 流动网络表现一向稳定，今次机场测速表现更是令人赞叹，大家知点拣啦！大家记住下次去机场就不妨预多少少时间，响呢条全球最长嘅机场禁区行人天桥拍片、打卡，特别系飞机响你脚下行过嘅片，再用埋 CMHK 5G 流动网络即时打卡同 post 靓相啦！

CMHK 5G 服务计划详情：
https://eshop.hk.chinamobile.com/tc/rateplanonly/rateplanonly-portal-list.html?shopCategoryId=27202302011620786165671399424&dispayType=all

CMHK GO!Pass 漫游产品：
https://eshop.hk.chinamobile.com/tc/corporate_information/Global_Services/globalRoaming/data_roam/GoPass.html